– गडचिरोली जिल्ह्याच्या शिरपेचात मानाचा तुरा
– यात 178 IAS अधिकारी प्रशिक्षणार्थ्यांसह 181 अधिकारी प्रशिक्षणार्थ्यांचा सहभाग
विदर्भ क्रांती न्यूज
गडचिरोली : प्रशिक्षणार्थींना कार्यक्षम आणि सहानुभूतीशील क्षेत्र प्रशासकांमध्ये रूपांतरित करण्यासाठी दि. 10.06.2022 रोजीच्या नियोजित वन धन योजनेच्या मॉड्यूलसाठी पॅनेललिस्ट म्हणून गडचिरोली जिल्ह्यातील महिला आर्थिक विकास महमंडळ अंतर्गत दिपज्योती लोकसंचालीत साधन केंद्र धानोरा येथील व्यवस्थापक रसिका बळीराम मारगाये यांची निवड करण्यात आली आहे. त्यांचे कौशल्य आणि या विषयाची सखोल माहिती तरुण प्रशिक्षणार्थींना बदलाचे आणि सुशासनाचे एजंट होण्यासाठी नक्कीच मार्गदर्शक ठरतील, असा आशावाद ठेवून त्यांना यासाठी आमंत्रित करण्यात आले आहे.
IAS 2020 बॅचसाठी दुसरा टप्पा व्यावसायिक अभ्यासक्रम 30 मे 2022 पासून 8 जुलै 2022 पर्यंत सहा आठवड्यांच्या कालावधीसाठी मसुरी येथे आयोजित करण्यात आला आहे. यात एकूण 181 अधिकारी प्रशिक्षणार्थी असून यात 178 IAS अधिकारी प्रशिक्षणार्थी आणि 2 अधिकारी प्रशिक्षणार्थी रॉयल भूतान सी. सर्व्हिक्स कोर्समध्ये सहभाग आहे. यात गडचिरोली सारख्या अतिदुर्गम, अविकसित जिल्ह्यातील माविमच्या धानोरा तालुका व्यवस्थापिका रसिका बळीराम मारगाये यांची निवड करण्यात आल्याने गडचिरोली जिल्ह्याच्या शिरपेचात मानाचा तुरा रोवला गेला आहे.
हा अभ्यासक्रम प्रशिक्षणार्थींना मिशन कर्मयोगी द्वारे विहित केलेल्या सर्व मुलभूत क्षमता जसे की कार्यात्मक (योग्य कौशल्ये), डोमेन ज्ञान (योग्य ज्ञान) आणि वर्तणूक (उजवी वृत्ती) आत्मसात करण्यावर भर देतो. तसेच अकादमी तपस्या, निनावीपणा आणि क्षमता अशा ज्या मुल्यांसाठी उभी आहे ती त्यांच्यामध्ये आत्मसात करते. या प्रशिक्षणासाठी रसिका मारगाये यांची निवड झाली असून याबद्दल त्यांचे सर्वच स्तरातून अभिनंदन करण्यात येत आहे.
