– वाढदिवसानिमित्त रुग्णांना फळ वाटप व विद्यार्थ्यांना पाठ्यपुस्तक वितरण
विदर्भ क्रांती न्यूज
सिरोंचा, 6 जुलै : आदिवासी विद्यार्थी संघ व अजयभाऊ मित्र परिवारचे नेते, गडचिरोली जिल्हा परिषदेचे माजी अध्यक्ष तथा अहेरी कृषी उत्पन्न बाजार समितीचे सभापती अजय कंकडालवार यांचा वाढदिवस सिरोंचा शहरात विविध कार्यक्रमांनी मोठ्या उत्साहात साजरा करण्यात आला.
माजी जि. प. अध्यक्ष कंकडालवार यांचा वाढदिवस येथील ग्रामीण रुग्णालयात रुग्णांना फळ वाटप तसेच येथील जिल्हा परिषद मुलांची व कन्या शाळेतील विद्यार्थी व विद्यार्थिनींना नोटबुक व पेन वितरण करून तसेच अंगणवाडी केंद्रातील चिमुकल्याना चॉकलेट वाटून साजरा करण्यात आला. ग्रामीण रुग्णालयात फळ वाटप कार्यक्रमाचा शुभारंभ येथे नव्याने रुजू झालेले वैद्यकीय अधिक्षक डॉ. किरणकुमार वाघमारे व वैद्यकीय अधिकारी डॉ. अश्विन वलके यांच्या हस्ते करण्यात आले तर विध्यार्थ्यांना नोटबुक व पेन वितरणाचा शुभारंभ शाळेच्या मुख्याद्यापिका बी. आर. नैताम यांच्या हस्ते करण्यात आला.
आदिवासी विद्यार्थी संघाचे ज्येष्ठ नेते व पेंटींपाका ग्रामपंचायतचे सदस्य सोमय्या गादे यांच्या प्रमुख उपस्थितीत वाढदिवस कार्यक्रम घेण्यात आला. यावेळी ग्रामीण रुग्णालयात डॉ. प्रवीण मडावी, मलेरिया तांत्रिक कक्षसेवक एस. एस. बोल्ले, कक्षसेवक एम. एस. तांदुळकर, औषधी निर्माता रमेश वेलादी, सुरक्षारक्षक एम. डी. बावनवाळे, प्रसाद बतुला, महेश पोक्कुरी तर जिल्हा परिषदेच्या दोन्ही शाळेत येथील शिक्षिका एस. आर. पस्पुनूरवार, अंगणवाडी सेविका बानू बंदेला, सायरा बानो, रामबाई कोठारी, किश्वर शेख, सुमन तोकला,माधवी मादरबोईना आदी उपस्थित होते.
माजी जि. प. अध्यक्ष अजयभाऊ कंकडालवार यांचा वाढदिवस कार्यक्रम यशस्वीतेसाठी आविस सल्लागार व माजी उपसरपंच रवी सल्लम, सिरोंचा कृषी उत्पन्न बाजार समितीचे संचालक नागराजु इंगीली, नारायणपूर ग्रामपंचायतीचे उपसरपंच अशोक हरी, ग्राम संवाद सरपंच संघटनेचे विभागीय अध्यक्ष किरणकुमार वेमुला, रवीभाऊ बोगोनी, सागर कोठारी, सडवली जंगम, शेखर पट्टेम, सुखदेव मुतूनूरी, माजी जि. प. अध्यक्ष अजय कंकडालवार यांचे सोशल मीडिया समन्वयक संपत गोगुला यांच्यासह आविस व अजयभाऊ मित्र परिवारचे पदाधिकारी व कार्यकर्त्यांनी परिश्रम घेतले.
