– पत्रकार परिषदेतून मुलाने केली पोलीस प्रशासनाकडे मागणी
विदर्भ क्रांती न्यूज
गडचिरोली. 28 जून : जागेच्या कौटुंबिक वादातून वडिलांना जबर मारहाण करणाऱ्यावर कठोर कारवाई करावी, अशी मागणी मुलाने येथे घेतलेल्या पत्रकार परिषदेतून पोलीस प्रशासनाकडे केली आहे.
गुलाब वलादे यांनी पत्रकार परिषदेत सांगितले की, माझे वडील शिवदास वलादे आणि मोरेश्वर वलादे हे नात्याने काका – पुतण्या आहेत. आम्ही एकमेकांच्या शेजारी राहतो. माझ्या वडीलांनी मालकी हक्काच्या जागेत घराला लागून सिमेंट पत्राचे शेड तयार केलेले आहे. दरम्यान, २५ जून रोजी मोरेश्वर वलादे याने दारू पिऊन माझ्या जागेत शेड कसे काय तयार केले असे बोलून माझ्या वडीलांशी वाद घातला व शिविगाळ करून हाताबुक्यांनी जबर मारहाण केली. मारहाणीमुळे माझ्या वडीलांच्या डोक्याला गंभिर दुखापत झाली. त्यामुळे जिल्हा सामान्य रूग्णालयात उपचारासाठी भरती करण्यात आले आहे. याप्रकरणी पोलिसांनी अद्यापही दोषीवर कारवाई केलेली नाही. याकडे आतातरी पोलीस प्रशासनाने लक्ष देऊन माझ्या वडीलांना जबर मारहाण करून जखमी करणाऱ्या मोरेश्वर वलादे याच्यावर कठोर कारवाई करण्यात यावी, अशी मागणी गुलाब वलादे यांनी पत्रकार परिषदेतून केली आहे.
