विदर्भ क्रांती न्यूज
गडचिरोली, ३ डिसेंबर २०२२ : विद्यार्थी जीवनात सांस्कृतिक कार्यक्रमाचे अनन्य साधारण महत्व आहे. विद्यार्थ्यांचे कलागुण जोपासण्याचे आणि वाढवण्याचे कार्य हे सांस्कृतिक कार्यक्रमाच्या माध्यमातून केले जातात. संस्कृती कार्यक्रमात सहभागी विद्यार्थ्यांनी सांस्कृतिक कलेचा वारसा जपणे आणि स्वत:ची कला कौशल्य विकसित करण्याचे कार्य केले आहे. फक्त पुस्तकांपर्यंतच मर्यादित न राहता इतर कौशल्य विकास होणे आज काळाची गरज आहे. दैनंदिन जीवनात जेवढे महत्व अभ्यासाला आहे तेवढेच महत्व इतर कलागुणांना आहे.सांस्कृतिक कार्यक्रम म्हणजे विद्यार्थ्यांच्या कलागुणांना प्रोत्साहन देणारा मंच आहे. गोंडवाना सैनिकी विद्यालयात (Gondwana sainiki vidyalaya) आयोजित १८ व्या सैनिकोत्सव मधील सांस्कृतिक कार्यक्रमाच्या उद्घाटनप्रसंगी जिल्हाधिकारी संजय मीणा (collector sanjay mina) बोलत होते. गडचिरोली जिल्ह्यात जिल्हाधिकारी म्हणून रुजू झाल्यानंतर सैनिकी विद्यालयात येण्याची हि पाहिलीच वेळ आहे. इथल्या मुलांनी जी टेबल ड्रिल केली ती ड्रिल बघून आम्ही आय ए एस प्रशिक्षण (IAS Training) घेत असतानाचे दिवस मला आठवले, असेही ते म्हणाले. या गोंडवाना सैनिकी विद्यालयातील शिस्त, व्यक्तिमत्व विकास, शिक्षण, सैनिकी शिक्षण, राष्ट्रसेवेची आवड इत्यादी गोष्टींचे जिल्हाधिकारी संजय मीणा यांनी भरभरून कौतुक केले. शिवाय उत्तम व्हिजन ठेवून हे विद्यालय कार्य करीत असल्याने विद्यालय नक्कीच उंच भरारी घेईल यात शंका नाही, या विद्यालयाची ओळख आता दिल्लीपर्यंत जायला पाहिजे, असेही मत त्यांनी यावेळी व्यक्त केले.
नेहमी स्वप्न पाहत असायला पाहिजे व ते सत्यात उतरविले पाहिजे. त्यासाठी सतत मेहनत करीत असणे हे तेवढेच महतवाचे आहे कारण उंच भरारीकरिता कुठल्याही गोष्टींची मर्यादा नसते, असे प्रतिपादन गडचिरोली जिल्ह्याचे पोलीस अधीक्षक नीलोत्पल हे विशेष अतिथीच्या मार्गदर्शनातून बोलत होते.
विद्यालयाच्या स्थापने पासून तर आजपर्यंत सैनिकी विद्यालयाने शिक्षण, क्रीडा व सांस्कृतिक क्षेत्रात उत्तम कामगिरी नेहमीच बजाविली आहे इथला विद्यार्थी हा दरवर्षीच गुणवत्ता यादीत असतो तर. क्रीडा व सांस्कृतिक मध्ये इथल्या विद्यार्थ्यांनी राष्ट्रीय स्तरापर्यंत मजल मारली आहे, नुकतेच राज्य शासनाच्या वतीने आयोजित विज्ञान नाट्य स्पर्धेत इथल्या चमूने विभागीय स्तरावर तृतीय क्रमांकाचे पारितोषिक पटकाविले आहे. असे बोलत इथल्या विद्यार्थ्यांनी यापुढेही हि परंपरा कायम ठेवावी व प्रत्येकच क्षेत्रात आपला ठसा उमटवावा, असे मत व्यक्त करीत अध्यक्षा भाग्यश्रीताई आत्राम (हलगेकर) यांनी यापुढे विद्यार्थ्यांनी एन डी ए मध्ये प्रवेश घेऊन देशसेवेकरीता तत्पर राहून जिल्ह्याच्या नावलौकिक करावा, असं मानस व्यक्त केला.
गोंडवाना सैनिकी विद्यालयात सत्र २०२२ मध्ये १८ वे सैनिकोत्सवाचे आयोजन करण्यात आले आहे. यातील सांस्कृतिक कार्यक्रमाचे उद्घाटन दिनांक १ डिसेंबर रोजी करण्यात आले. उद्घाटन कार्यक्रमाच्याप्रसंगी उद्घाटक म्हणून गडचिरोली जिल्ह्याचे जिल्हाधिकारी संजय मीणा हे होते होते तर विशेष अतिथी म्हणून गडचिरोली जिल्ह्याचे पोलीस अधीक्षक नीलोत्पल हे होते. कार्यक्रमाचे अध्यक्ष भगवंतराव मेमोरील शिक्षण संस्था अहेरीचे अध्याक्षा भाग्यश्रीताई आत्राम (हलगेकर) हे होते. अतिथी म्हणून विद्यालयाचे प्राचार्य संजीव गोसावी हे होते. कार्यक्रमाच्या सुरुवातीला उद्घाटक, विशेष अतिथी व अध्यक्षा यांच्या हस्ते कलेची देवता सरस्वती यांच्या प्रतिमेचे पूजन करून दीप प्रज्वलित करण्यात आले. प्रसंगी मागील वर्षी गुणवत्ता यादीत आलेल्या विद्यार्थ्यांचाही या वेळी मान्यवरांच्या हस्ते रोख रक्कम व प्रशस्तीपत्र, देऊन गौरव करण्यात आला. सांस्कृतिक कार्यक्रमाची सुरुवात विद्यालयातील विद्यार्थ्यांनी गणेश वंदना नृत्याने केली, संस्कृतयुतीक कार्यक्रमात देशभक्ती, महाराष्ट्राची लावणी ,शिवाजी महाराजांचे पोवाडा, कव्वाली, भारत का संविधान, गुजराती गरबा, कोळी नृत्य, गोआ नृत्य, शिवाय नृत्य, इत्यादी समूह नृत्य सादर करण्यात आले, या शिवाय पहिले परमवीरचक्र मेजर सोमनाथ यांच्या जीवनावर नाट्य सादर करण्यात आले होते, तर आगळं वेगळं शिक्षक दिन या विनोदी नाटकाने सर्व प्रेक्षकांना हसवून लोट पोट केले.
कार्यक्रमाचे प्रास्ताविक वाचन प्राचार्य संजीव गोसावी केले तर संपूर्ण कार्यक्रमाचे संचालन प्रा. डॉ. राकेश चडगुलवार यांनी केले व आभार रहीम पटेल यांनी केले
