विदर्भ क्रांती न्यूज
गडचिरोली : येथील विश्रामगृहात महाराष्ट्र प्रदेश युवक काँग्रेसचे सचिव विश्वजीत कोवासे व विधानसभा युवक काँग्रेसद्वारा 30 ऑक्टोबर 2023 रोजी आढावा बैठक पार पडली. सदर बैठकीत अखिल भारतीय युवक काँग्रेसचे राष्ट्रीय सचिव व विदर्भ झोनचे प्रभारी कुमार रोहित, प्रदेश युवक काँग्रेसचे महासचिव जिचकार यांनी आढावा घेतला व विश्वजीत कोवासे यांनी आढावा सादर केला.
सदर बैठकीला प्रामुख्याने महाराष्ट्र प्रदेश काँग्रेस कमिटी महासचिव डॉ. नामदेव किरसान, गडचिरोली जिल्हा काँग्रेस कमिटी अध्यक्ष महेंद्र ब्राह्मणवाडे यांनी मार्गदर्शन केले. यावेळी युवक काँग्रेसचे अश्विन बैस, प्रफुल्ल बारसागडे, निलेश बोरिवार, नेहाल आभारे, तेजस कोडेकर, आशिष घेर, हर्षल किरमे, जीवक दांडे, प्रेमानंद गोंगले, हेमंत कुमरे, शंकर सुरजागडे, गौरव वेटकर, मनोज मंडळ, नितेश राठोड उपस्थित होते.
