– यंदाही उज्वल यशाची परंपरा कायम
विदर्भ क्रांती न्यूज
गडचिरोली : काल घोषीत झालेल्या दहावीच्या परीक्षेत येथील दंडकारण्य शिक्षण संस्था द्वारा संचालित कमलताई मुनघाटे हायस्कूल गडचिरोली 96.51 टक्के निकाल देत आपल्या उज्वल यशाची परंपरा कायम ठेवली आहे.
या विद्यालयातून प्रविष्ठ झालेल्या 88 विद्यार्थी / विद्यार्थीनीपैकी तब्बल 84 विद्यार्थी उत्तीर्ण झालेले आहेत. विद्यालयातून तनुश्री सुरेश कोटगले 84.00 टक्के गुण मिळवून प्रथम आली असून कल्याणी प्रशांत मोडक 80.40 टक्के गुण घेत द्वितीय तर अस्मिता शरद वासेकर हिने 76.80 टक्के गुण मिळवून तृतीय येण्याचा मान पटकावला आहे.
या सर्व गुणवंत विद्यार्थी तसेच विद्यार्थिनींनी आपल्या यशाचे श्रेय संस्थेचे अध्यक्ष प्रा. डॉ. राजाभाऊ मुनघाटे, महाविद्यालयाच्या प्रा. सागर म्हशाखेत्री, पर्यवेक्षिका स्मिता लडके व सर्व शिक्षकांना दिले आहे. सर्व उत्तीर्ण विद्यार्थिनींचे अभिनंदन सर्व शिक्षक व शिक्षकेत्तर कर्मचारी यांनी केले आहे.
