– राणी दुर्गावती कन्या विद्यालयाची उज्वल यशाची परंपरा कायम
– सावित्रीच्या लेकीची उंच भरारी
विदर्भ क्रांती न्यूज
गडचिराेली : महाराष्ट्र राज्य बोर्डामार्फत घेण्यात आलेल्या माध्यमिक शालांत परीक्षेचा (इयत्ता 10 वी) निकाल जाहीर झाला, यात राणी दुर्गावती कन्या विद्यालय गडचिरोलीचा निकाल 96.55 टक्के लागला.
या शाळेतून प्रथम येण्याचा मान मानसी रायपूरे हिने पटकाविला असून तिला 95.20 % गुण प्राप्त झाले. द्वितीय समीक्षा पिपरे 92.40 % तर तृतीय रितू बोटरे 91.60 % आली आहे, स्नेहा बोधलकर 87 % व वैष्णवी कमलापूरवार 86.60 %, नम्रता मंडल हिला 86 % गुण मिळाले आहेत.
या विद्यालयातून प्रावीण्य श्रेणीत 24, प्रथम श्रेणीत 30, द्वितीय श्रेणीत 24, तर उत्तीर्ण श्रेणीत 6 विद्यार्थिनींचा समावेश आहेत. सर्व उत्तीर्ण विद्यार्थिनींचे संस्थेचे अध्यक्ष दलितमिञ घनश्यामजी मडावी यांच्या हस्ते सत्कार करण्यात आला. याप्रसंगी श्री. येरमे, शाळेच्या प्राचार्या सौ. मडावी मॅडम, चुऱ्हे सर, पिलारे सर, धोडरे सर, चुधरी मॅडम, श्री. जेल्लेवार, श्री. मांडवगडे व सतीश मडावी उपस्थित होते.
“येथील राणी दुर्गावती कन्या विद्यालयाची उज्वल यशाची परंपरा यंदाही कायम आहे. इयत्ता 10 वीच्या निकालात यंदाही जिल्ह्यातील सावित्रीच्या लेकींनी उंच भरारी घेतली आहे.”
