गामाच्या संयोजकपदी प्रा. श्रीमंत सुरपाम व राजू सहारे यांची निवड

79

– गडचिरोली ऑल मीडिया असोसिएशनच्या बैठकीत एकमुखी निर्णय

विदर्भ क्रांती न्यूज

गडचिरोली : डिजीटल मीडिया क्षेत्रात कार्यरत असलेल्या गडचिरोली ऑल मीडिया असोसिएशन (गामा) ची वार्षीक सर्वसाधारण बैठक गडचिरोली शहरातील इंदिरा गांधी चौकातील विश्रामभवनात पार पडली. या बैठकीत गामाच्या नवीन संयोजकाची निवड करण्यात आली. संयोजकपदी राईट टाईम न्यूज पोटर्लचे संपादक राजू सहारे आणि संतोष भारत न्यूजचे संपादक प्रा. श्रीमंत सुरपाम यांची सर्वानुमते निवड करण्यात आली.

बैठकीला गामाचे सदस्य तथा पुर्णसत्य न्यूज पोर्टलचे संपादक हेमंत डोर्लीकर, गडचिरोली वार्ताचे संपादक जयंत निमगडे, विदर्भ न्यूज एक्सप्रेसचे संपादक मनिष कासर्लावार, गोंडवाना टाईम्सचे संपादक व्यंकटेश दुडमवार, महाभारत न्यूजचे संपादक उदय धकाते, एव्हीबी न्यूज पोर्टलचे संपादक अनिल बोदलकर, राईट टाईम न्यूजचे संपादक राजू सहारे, विदर्भ क्रांती न्यूजचे संपादक मुक्तेश्वर म्हशाखेत्री, संतोष भारत न्युज पोर्टलचे संपादक प्रा. श्रीमंत सुरपाम, वृत्तवाणी न्युज पोर्टलचे संपादक प्रविण चन्नावार, खबर जनता तक न्यूजच्या संपादक रुपाली शेरके उपस्थित होते. बैठकीत गामाच्या मागील वर्षभरातील कामगिरी, गामा अधिक व्यापक कशी करता येईल, तसेच नवीन सदस्यांचा सहभागी करून घेणे यावर चर्चा करण्यात आली.

आजच्या आधुनिक तंत्रज्ञानाच्या युगात प्रसार माध्यमांमध्ये डिजिटल क्रांती घडून आली असून डिजिटल मीडिया आता प्रसार माध्यमांचा महत्वपुर्ण घटक बनला आहे. त्याअनुषंगाने डिजिटल मीडिया क्षेत्रात कार्यरत असलेल्या पत्रकारांचे गडचिरोली ऑल मीडिया असोसिएशन गठीत करण्यात आले आहे. या असोसिएशनने मागील वर्षभरात डिजिटल मीडिया क्षेत्रात नावलौकिक प्राप्त करून आपली ओळख निर्माण केली आहे.