– नगरसेवक आशीषभाऊ पिपरे यांची मागणी
विदर्भ क्रांती न्यूज
गडचिरोली : गडचिरोली जिल्ह्यातील सर्वात मोठा तालुका चामोर्शी असून याच शहरात मोठमोठे लोकप्रतिनिधी राहतात. परंतु स्थानिक चामोर्शी शहरात दुर्लक्ष असल्याने त्यांची निष्क्रियता चव्हाट्यावर आली आहे. कारण चामोर्शी शहराची लोकसंख्या पंचवीस हजारपेक्षा जास्त आहे. परंतु गेल्या स्वातंत्र्याच्या इतक्या वर्षांनंतर सुद्धा येथे सर्वसाधारण प्रवाशांंच्या सोयीसाठी बस स्टँड काय प्रवासी निवारा होऊ शकले नाही. येथील युवकांना खेळण्यासाठी क्रीडांगण, ग्रंथालय, मृत व्यक्तीचे अंत्यविधी करण्यासाठी स्मशानभूमी, दहन दफनभूमी व इतर महत्वाचे प्रश्न जैसे थे आहेत. परंतु या विषयाकडे लोकप्रतिनिधींचे पूर्णतः दुर्लक्ष आहे. इतका मोठा तालुका स्तरावरील शहर असुन बसस्थानकावर महिला व पुरुष करिता साधे शौचालय उपलब्ध नाही व इतर महत्त्वाच्या विषयांवर नगरसेवक आशीषभाऊ पिपरे, गडचिरोली चिमूर लोकसभा क्षेत्र सोशल मीडिया प्रमुख रमेश अधिकारी, सामाजिक कार्यकर्ते माणिकरावजी तुरे, अशोकजी धोडरे यांनी खासदार अशोकभाऊ नेते यांना निवेदन दिले व निवेदनाची तत्काळ दखल घेऊन खासदार अशोक भाऊ नेते यांनी सबंधित रखडलेल्या विकास कामांना गती देण्यासाठी मुंबई येथे पाचारण केले. चामोर्शी शहरातील रखडलेल्या विकास कामांना पूर्ण केल्याशिवाय आपण गप्प बसणार नाही व सर्व अपूर्ण कामे गडचिरोली चिमूर लोकसभा क्षेत्र खासदार अशोकभाऊ नेते यांच्या मार्गदर्शनात पूर्ण करणारच, अशी ग्वाही दिली.
