– खासदार अशोक नेते यांच्या प्रयत्नाला अखेर यश
– लवकरच हिरवी झेंडी दाखवून होणार शुभारंभ
विदर्भ क्रांती न्यूज
गडचिरोली : गडचिरोली – चिमूर लोकसभा क्षेत्रातील अतिदुर्गम, मागास म्हणून सालेकसा तालुक्याची ओळख आहे. या सालेकसा तालुक्यात अनेक दिवसापासूनची विद्यार्थ्यांची, नागरिकांची, शेतकऱ्यांची दुपारच्या नंतर रेल्वे स्टेशनवर स्टापेजेस (थांब्याची) प्रलंबित मागणी होती. खासदार अशोक नेते यांनी रेल्वेमंत्री अश्विनी वैष्णव यांना दिल्ली येथे वारंवार भेट घेऊन चर्चा करुन निवेदन देण्यात येत होते. यासाठी प्रयत्न सुद्धा केल्या जात होता. या केलेल्या प्रयत्नाला अखेर यश येऊन सालेकसा रेल्वे स्टेशनला 15231/32 गोंदिया – बारोंनी एक्सप्रेस सालेकसा रेल्वे स्टेशन थांबा मंजूर झाला असून दुपारनंतर स्टापेजेस (थांबा) देण्याची मागणी मान्य केली असून लवकरच हिरवी झेंडी दाखवून शुभारंभ होईल, अशी माहिती खासदार अशोक नेते यांनी दिली. या (स्टापेजेस) थांब्यामुळे निश्चितच या क्षेत्रात विद्यार्थ्यांना, शेतकऱ्यांना, जनतेला, प्रवाशांना याचा फायदा होईल, असा आशावाद खासदार अशोक नेते यांनी व्यक्त करत रेल्वेमंत्री अश्विनी वैष्णव यांचे आभार व हार्दिक अभिनंदन केले.
