– शेतकरी व नागरिकांच्या प्रश्नांकडे श वेधले लक्ष
विदर्भ क्रांती न्यूज
गडचिरोली, १९ डिसेंबर २०२२ : जिल्ह्यातील शेतकरी, शेतमजूर, कामगार, बेरोजगार यांच्या प्रलंबित समस्यांना वाचा फोडण्यासाठी व शासन, प्रशासनाचे लक्ष वेधण्यासाठी माजी जि. प. सभापती तथा तालुका खरेदी विक्री संघाचे अध्यक्ष अतुल गण्यारपवार यांच्या नेतृत्वात आज, सोमवारी जिल्हाधिकारी कार्यालयावर (collector office) भव्य लक्षवेध आंदोलन (laksyavedh andolan) काढण्यात आला. यावेळी विविध मागण्यांचे निवेदन जिल्हाधिकारी यांच्यामार्फत माध्यमातून शासनाला पाठविण्यात आले.
येथील इंदिरा गांधी (Indira Gandhi chauk) चौकातील सभागृहात सभा घेण्यात आली. यावेळी अतुल गण्यारपवार, सुरेश परसोडे व इतर नेत्यांनी आंदोलनकर्त्यांना संबोधित केले. त्यानंतर मुख्य मार्गाने जिल्हाधिकारी कार्यालयावर आंदोलन नेण्यात आला.
जिल्ह्यात ओला दुष्काळ जाहीर करण्यात यावा, अतिवृष्टी व पूरपरिस्थितीमुळे नुकसान झालेल्या शेतकऱ्यांना नुकसान भरपाई देण्यात यावी, शासकीय आधारभूत योजनेंतर्गत धान उत्पादक शेतकऱ्यांना प्रती क्विंटल 1 हजार रुपये बोनस देण्यात यावा, कोनसरी येथील लोहप्रकल्पात स्थानिक बेरोजगार युवकांना प्राधान्याने रोजगार देण्यात यावा, वडसा – गडचिरोली – आष्टी कागजनगर असा रेल्वे मार्ग निर्माण करावा, मेडिगट्टा व गोसीखुर्द धरणाच्या पाण्यामुळे नुकसान होणाऱ्या शेतकऱ्यांसाठी उपाययोजना करावी आदी प्रलंबित समस्यांकडे शासन, प्रशासनाने लक्ष वेधण्यासाठी आणि त्या समस्या मार्गी लावण्यासाठी आंदोलन करण्यात आले.
या आंदोलनात माजी जि. प. सभापती अतुल गण्यारपवार, माजी जि. प. अमोल गण्यारपवार, माजी पं. स. सदस्य सुरेश परसोडे यांच्यासह हजारोंच्या संख्येने जिल्ह्यातील शेतकरी, शेतमजूर, बेरोजगार युवक व नागरिकाश सहभागी झाले होते.
